المنصورة القديمة

 المنصورة واجعاني..

واجعاني جدااا يعني

كل ما أقلّب ف صورها القديمة، بابا خلفية لكل حاجة، لكل ريحة وكل صوت. أنا لفيتها مشي على رجليا وهم لسة صغيرين، وإيدي ف إيده. الكورنيش، والمختلط، وأرض الشواف، أيام ما كانت أرض الشوّاف، والبحر الصغير.

جامع النصر،
فساتيني الصغيرة، والتراب آخر المشوار يدخل كعب الصندل، نقف جنب بيت القاضي نفكّه وننفضه. البهجة والزقططة لما ألمح سور الاستاد، قربنا م البيت.

إتغيّرِت، المنصورة إتغيّرت. صورها القديمة بتوجعني.